SAHEL: AES Yatangije Inteko Ishinga Amategeko ihuriweho

Ku wa 24 Kanama 2026, i Niamey muri Niger, hatangijwe ku mugaragaro Inteko Ishinga Amategeko ihuriweho n'ibihugu bigize Alliance des États du Sahel (AES) — Burkina Faso, Mali na Niger. Iyi ntambwe ishimangira gahunda y'ibi bihugu yo kurushaho guhuza imiyoborere n'inzego zabyo.

Iyi Nteko igizwe n'abadepite 45, aho buri gihugu gihagarariwe n'abadepite 15. Inteko yatangiriye imirimo mu nama yayo ya mbere yabereye mu Mahatma Gandhi International Conference Centre i Niamey.



Inama y'itangiriro yayobowe na Dr. Ousmane Bougouma, Perezida w'Inteko Ishinga Amategeko y'Inzibacyuho ya Burkina Faso, akaba ari na we wayoboye iyi nama ya mbere y'Inteko ya AES.

Inteko nshya igamije kugira uruhare mu gukomeza ubufatanye hagati y'ibi bihugu, cyane cyane mu bibazo bireba inyungu rusange z'uyu muryango no mu guteza imbere inzego za Confédération des États du Sahel.



Iyi ntambwe ije ikurikira ishyirwaho ry'izindi nzego zihuriweho, harimo ingabo zihuriweho n'ikigega cya banki y'iterambere ya AES, bikerekana ko Burkina Faso, Mali na Niger bikomeje kwimakaza ubufatanye bwimbitse mu rwego rwa politiki, umutekano n'iterambere.

Inama ya mbere y'iyi Nteko iteganyijwe gukomeza kuva ku wa 24 kugeza ku wa 29 Kanama 2026 i Niamey.

Iyi ni indi ntambwe ikomeye mu rugendo rwa AES rwo kubaka inzego zihuriweho no kurushaho guhuza ibihugu bitatu byo mu karere ka Sahel.